REGORD

di carlozanzi

“Te se regòrdet?” “Già, regordi sì.”

“Ul bun pan, ul bun vin, l’aria fina…”

“Levà sü cun piasé, la matina…”

“E ‘l Luisìn, la Martina… già, che dì.”

Ul regor l’è cumpagn dul quadrèll,

cald da fiama, sot sota ul lenzö,

dasi dasi dal bass bòfa sü

ul calur cal ta làssa durmì.

Fra i amis, ul regord l’è fedèl,

sempar prunt, surident, cumpagnùn.

Ta servìss un quaivün? L’è già scià,

‘mè ‘n scialètt sura i spall, ‘mè ‘na cà.

Ul regord ga l’han sciuri e poarìtt,

‘mè ‘l vin vecc, cunt i ann gha guadàgna.

Sa diventa gulùus, al sa màgna

ul regord, i regord da chi dì.

Càar ‘mè ‘l föögh l’è ul regord: nustalgìa.

“Sètas giò” la ta dis, “senza pressa.

Se te vòrat specià da sti temp?

Dumà ‘l pegg, dumà ‘l gramm, pü nagòtt.”

La regiùra da tutt i carèzzi,

nustalgìa, la va in là tant me i gàmber:

“Sempar méi vardà indrè, a chi ann

senza crüzi, pensèer, rògn, magàgn.”

E quaivün, dul regord, pagà ‘l prézzi.

“Dagh mia a tràa e tirà drizz” dis che l’àltar.

A cunvegn fermas lì ‘n mumentin

ma pö cùur, là danànz, dal neudìn.

                    

inverno 2003

Ricordo

“Ti ricordi?” “Già, ricordo sì.”

“Il buon pane, il buon vino, l’aria pura…”

“Alzarsi con piacere, la mattina…”

“E il Luigino, la Martina…già, che giorni.”

Il ricordo è come il mattone,

caldo di fiamma, sotto il lenzuolo,

adagio adagio dal basso soffia su

il calore che ti permette di dormire.

Fra gli amici, il ricordo è fedele,

sempre pronto, sorridente, di compagnia.

Ti serve qualcuno? E’ già qua,

come uno scialle sopra le spalle, come una casa.

Il ricordo l’hanno ricchi e poveri,

come il vino vecchio, con gli anni ci guadagna.

Si diventa golosi, si mangia

il ricordo, i ricordi di quei giorni.

Caro come il fuoco è il ricordo: nostalgia.

“Siediti” ti dice, “senza fretta.

Cosa vuoi aspettarti da questi tempi?

Solo il peggio, l’amaro, più niente.”

La signora di tutte le carezze,

nostalgia, va in là come i gamberi:

“E’ sempre meglio guardare indietro, a quegli anni

senza preoccupazioni, pensieri, rogne, malanni.”

E qualcuno, del ricordo, paga il prezzo.

“Non dargli retta e tira dritto” dice quell’altro.

Conviene fermarsi un attimo

ma poi correre, là davanti, dal nipotino.